ഒരിക്കലും മറക്കുവാന്‍ കഴിയാതെ | Orikkalum Marakkuvan

ഒരിക്കലും മറക്കുവാന്‍ കഴിയാതെ
യേശുവിന്‍ സാന്ത്വനം മനസ്സില്‍
എത്രയോ ധന്യം എന്റെ ജന്മം
എങ്ങനെ ചൊല്ലും നന്ദി നാഥാ
എന്നെയും കൈക്കൊണ്ടു നീ
ജീവനില്‍ സ്നേഹമായ് മാറി

അപരാധങ്ങള്‍ മൊഴിയും അധരം
അപദാനങ്ങള്‍ വാഴ്ത്തുകയായ്
തിരുനാമത്തിന്‍ നവചൈതന്യം
ഹൃദയം നിറയെ പടരുകയായ്
കാരുണ്യത്തിന്‍ പ്രഭയായ്
കരളില്‍ ഉദയം നല്‍കി

കരചേര്‍ത്തെന്റെ ഉലയും തോണി
കദനക്കടലില്‍ അലയുമ്പോള്‍
നിരുപമമാകും തെളിനീരുറവ
നൊമ്പരമേകും വന്‍മരുഭൂവില്‍
വാത്സല്യത്തോടരികില്‍
വിളിച്ചു കണ്ണീര്‍ മാറ്റി
വിളിച്ചെന്റെ കണ്ണീര്‍ മാറ്റി