ആനന്ദം ശോഭയേറും നിത്യ വീടുണ്ടേ | Anandam Shobhayerum Nithya

ആനന്ദം ശോഭയേറും നിത്യ വീടുണ്ടേ;
സര്‍വദാ സന്തോഷം അവിടെ കാണുമേ;
ദൂതര്‍ പാടും സംഗീതം സിംഹാസനത്തിന്‍ ചുറ്റും;
എന്നു ഞാന്‍ ചെന്നുചേരും ആനന്ദ വീട്ടിലേ?

ഹാ! ആനന്ദമേ,
ഹാ! സന്തോഷമേ,
ഞാന്‍ ചേരുമ്പോള്‍ വീട്ടില്‍
ഹാ ആനന്ദമേ

പുഷ്പങ്ങള്‍ ആ നല്‍ വീട്ടില്‍ എന്നും പൂക്കുമേ
ബാലര്‍ ഗീതം പാടി കീര്‍ത്തിക്കും യേശുവേ;
ഇന്‍പ സ്വരം മുഴങ്ങും സിംഹാസനത്തിന്‍ ചുറ്റും
എന്നു ഞാന്‍ ചെന്നു ചേരും ആനന്ദ വീട്ടിലേ? (ഹാ!..)

വേഗത്തില്‍ ഞാനും ചേരും ആ നല്‍ വീട്ടിലേ;
ക്രിസ്തു എന്റെ ജീവന്‍ ഭയം എനിക്കില്ലേ;
വേഗം യേശുവേ കാണും രാജനായ്‌ വാഴുന്നവന്‍;
അന്നു ഞാന്‍ ചെന്നു ചേരും ആനന്ദവീട്ടിലേ (ഹാ!..)