ഹൃദയകവാടങ്ങള്‍ തുറന്നിതാ Hridayakavadangal Thurannitha

ഹൃദയകവാടങ്ങള്‍ തുറന്നിതാ ഹൃദയേശ്വരന്‍ വരുന്നൂ
തിരുവോസ്തി തന്നിലായ് തിരുരൂപം പൂണ്ട്
തിരുനാഥന്‍ എഴുന്നള്ളുന്നു

ഒരു പാഴ്മുളന്തണ്ടാം എന്‍ മനതാരിനെ
സുരഗാനം പൊഴിയുന്ന മുരളിയാക്കൂ
തന്ത്രികള്‍ പൊട്ടിയൊരെന്‍ മനോവീണയില്‍
സുന്ദരഗാനങ്ങള്‍ ഉണര്‍ത്തേണമേ

അലറി മറിയുന്ന അലയാഴിയാം മനം
അലിവോടെ ശാന്തമായ് തീര്‍ക്കേണമേ
അലയില്ലാതാഴിയില്‍ ഉഴലുന്ന എന്നെ നീ
നിഖിലേശാ കരം നല്‍കി ഉയര്‍ത്തേണമേ

തിരുമനം എന്നോടരുളുന്നതൊക്കെയും
തിരുഹിതം പോലെ ഞാന്‍ നിറവേറ്റിടാം
ഹൃദയത്തിന്‍ മാലുകളാകവെ നീക്കണേ
സകലേശാ നീ എന്നില്‍ വസിക്കേണമേ