സീയോന്‍ സൈന്യമേ ഉണര്‍ന്നീടുവിന്‍

സീയോന്‍ സൈന്യമേ ഉണര്‍ന്നീടുവിന്‍
പൊരുതു നീ ജയമെടുത്തു വിരുതു പ്രാപിക്കാം

കേള്‍ക്കാറായ്‌ തന്‍ കാഹള ധ്വനി
നാം പോകാറായ് ഈ പാര്‍ത്തലം വിട്ട്
തേജസ്സറും പുരേ

സര്‍വ്വായുധങ്ങള്‍ ധരിച്ചിടുക
ദുഷ്ടനോടെതിര്‍ത്തു നിന്നു വിജയം നേടുവാന്‍ - (കേള്‍..)

ക്രിസ്തേശുവിനായ്‌ കഷ്ടം സഹിച്ചോര്‍
നിത്യനിത്യയുഗങ്ങള്‍ വാഴും സ്വര്‍ഗ്ഗസീയോനില്‍ - (കേള്‍..)

പ്രത്യാശ എന്നില്‍ വര്‍ദ്ധിച്ചിടുന്നേ
അങ്ങു ചെന്നു കാണുവാനായ് പ്രിയന്‍ പൊന്‍മുഖം - (കേള്‍..)

ഞാന്‍ കണ്ടിടുന്നേന്‍ എന്‍ യേശുവിന്‍ രൂപം
കാണും തോറും ആശ എന്നില്‍ ഏറിടുന്നിതാ - (കേള്‍..)

ആനന്ദമേ നിത്യാനന്ദമേ
കാന്തനോടു വാഴും കാലം എത്ര ആനന്ദം - (കേള്‍..)