ആകാശം മാറും ഭൂതലവും മാറും | Akasham Maarum

ആകാശം മാറും ഭൂതലവും മാറും
ആദിമുതല്‍ക്കെ മാറാതുള്ളതു നിന്‍ വചനം മാത്രം
കാലങ്ങള്‍ മാറും രൂപങ്ങള്‍ മാറും
അന്നും ഇന്നും മാറാതുള്ളതു തിരുവചനം മാത്രം

വചനത്തിന്റെ വിത്തു വിതയ്ക്കാന്‍ പോകാം
സ്നേഹത്തിന്റെ കതിരുകള്‍ കൊയ്യാന്‍ പോകാം

ഇസ്രായേലേ, ഉണരുക നിങ്ങള്‍
വചനം കേള്‍ക്കാന്‍ ഹൃദയമൊരുക്കൂ
കാതുണ്ടായിട്ടും എന്തേ കേള്‍ക്കുന്നില്ലാ
മിഴികള്‍ എന്തേ സത്യം കാണുന്നില്ലാ

വചനത്തിന്റെ വിത്തു വിതയ്ക്കാന്‍ പോകാം
സ്നേഹത്തിന്റെ കതിരുകള്‍ കൊയ്യാന്‍ പോകാം

വയലേലകളില്‍ കതിരുകളായി
വിള കൊയ്യാനായ് അണിചേര്‍ന്നീടാം
വഴിയില്‍ വീണാലോ വചനം ഫലമേകില്ല
വയലില്‍ വീണാല്‍ എല്ലാം കതിരായീടും.

വചനത്തിന്റെ വിത്തു വിതയ്ക്കാന്‍ പോകാം
സ്നേഹത്തിന്റെ കതിരുകള്‍ കൊയ്യാന്‍ പോകാം