ആത്മാവിന്‍ ആഴങ്ങളില്‍ | Athmavn Azhangalil

ആത്മാവിന്‍ ആഴങ്ങളില്‍
അറിഞ്ഞു നിന്‍ ദിവ്യ സ്നേഹം
നിറഞ്ഞ തലോടലായി
എന്നും യേശുവേ
മനസിന്‍ ഭാരമെല്ലാം
നിന്നോട് പങ്കു വച്ചു
മാറോടെന്നെ ചേര്‍ത്തണച്ചു
എന്തൊരാനന്ദം (ആത്മാവിന്‍..)

ഒരു നാള്‍ നാഥനെ ഞാന്‍ തിരിച്ചറിഞ്ഞു
തീരാത്ത സ്നേഹമായി അരികില്‍ വന്നു (2)
ഉള്ളിന്റെ ഉള്ളില്‍ കൃപയായ് മഴയായ്
നിറവാര്‍ന്നോരനുഭവമായീ
എന്തൊരാനന്ദം എന്തൊരാനന്ദം (ആത്മാവിന്‍..)

അന്നന്നു വന്നീടുന്നോരാവശ്യങ്ങളില്‍
സ്വര്‍ഗീയ സാന്നിധ്യം ഞാന്‍ അനുഭവിച്ചു (2)
എല്ലാം നന്മക്കായ് തീര്‍ക്കുന്ന നാഥനെ
പിരിയാത്തോരാത്മീയ ബന്ധം
എന്തൊരാനന്ദം എന്തൊരാനന്ദം (ആത്മാവിന്‍...)