ഇരുളേറുമീ വഴിയില്‍ | Irulerumee Vazhiyil

ഇരുളേറുമീ വഴിയില്‍ കനിവോടെ നീ വരണേ
ഒരു ദീപമായ്‌ തെളിയണമേ
അഴലേറുമീ മരുവില്‍ അലിവോടെ നീ വരണേ
ഒരു മാരി പെയ്തീടണമേ (ഇരുളേറുമീ..)

വഴി തെറ്റിയൊരാടുകളാം ഞങ്ങള്‍ നാഥാ
പിഴ ചെയ്തതോര്‍ക്കരുതേ നീ (2)
അനുതാപ ഹൃദയത്തോടെ ഇതാ ഞങ്ങള്‍
തിരുമുമ്പിലഭയം തരണേ (2) (ഇരുളേറുമീ..)

കുരിശിന്‍ വഴിയറിയാതലയും ഞങ്ങള്‍
പിഴ ചെയ്തതോര്‍ക്കരുതേ നീ (2)
കദനം നിറയും മനമോടെ ഇതാ ഞങ്ങള്‍
തിരുമുമ്പിലഭയം തരണേ (2) (ഇരുളേറുമീ..)

തിരുസ്നേഹം പകരാതകലും ഞങ്ങള്‍
പിഴ ചെയ്തതോര്‍ക്കരുതേ നീ (2)
പിടയും ഇടനെഞ്ചകമോടെ ഇതാ ഞങ്ങള്‍
തിരുമുമ്പിലഭയം തരണേ (2) (ഇരുളേറുമീ..)