കഷ്ടങ്ങള്‍ സാരമില്ല | Kashtangal Saramilla

കഷ്ടങ്ങള്‍ സാരമില്ല കണ്ണുനീര്‍ സാരമില്ല
നിത്യതേജസിന്‍ ഘനമോര്‍ത്തിടുമ്പോള്‍
ഞൊടിനേരത്തേക്കുളള
കഷ്ടങ്ങള്‍ സാരമില്ല കണ്ണുനീര്‍ സാരമില്ല

പ്രീയന്റെ വരവില്‍ ധ്വനിമുഴങ്ങും
പ്രാക്കളെപ്പോലെ നാം പറന്നുയരും
പ്രാണന്റെ പ്രീയനാം മണവാളനില്‍
പ്രാപിക്കും സ്വര്‍ഗ്ഗീയ മണവറയില്‍  (കഷ്ടങ്ങള്‍......)

ജാതികള്‍ ജാതിയോടെതിര്‍ത്തിടുമ്പോള്‍
ജഗത്തിന്‍ പീഡകള്‍ പെരുകിടുമ്പോ
ജീവിതഭാരങ്ങള്‍ വര്‍ദ്ധിച്ചിടുമ്പോള്‍
ജീവന്റെ നായകന്‍ വേഗം വന്നീടും  (കഷ്ടങ്ങള്‍.......)

യുദ്ധവും ക്ഷാമവും ഭൂകമ്പങ്ങളും
യുദ്ധത്തിന്‍ ശ്രുതിയും കേള്‍ക്കുന്നില്ലയോ
യിസ്രായേലിന്‍ ദൈവം എഴുന്നളളുന്നേ
യേശുവിന്‍ ജനമേ ഒരുങ്ങുക നാം       (കഷ്ടങ്ങള്‍........)