ഉണ്ണീശോയ്ക്ക് പന്ത്രണ്ടു വയസ്സുള്ളപ്പോള്‍ | Uneeshokk panthrandu

ഉണ്ണീശോയ്ക്ക് പന്ത്രണ്ടു വയസ്സുള്ളപ്പോള്‍
അമ്മയില്‍ നിന്നും അവന്‍ വേര്‍പിരിഞ്ഞു (2)
അമ്മ നിനച്ചു കുഞ്ഞ് താതനോടൊത്തെന്ന്‍
താതനോര്‍ത്തു അവന്‍ അമ്മയോടൊത്തെന്ന് (ഉണ്ണീശോ..)

പൊന്നോമന മകനേ എന്തു ചെയ്തു നീ
താതനുമീ ഞാനുമെത്ര വേദനിച്ചു (2)
ഉണ്ണി തന്റെ അമ്മയോട് പ്രതിവചിച്ചുടന്‍ (2)
എന്റെ പിതാവിന്‍ ഭവനത്തിലായിരുന്നു ഞാന്‍ (2)

തിരുകുടുംബം ഒന്നുചേര്‍ന്ന് വീട്ടിലേക്ക്‌ പോയ്‌
ദൈവപുത്രന്‍ അനുസരണയില്‍ മാതൃകയായി (2)
ദൈവത്തിനും മനുഷ്യര്‍ക്കും മാതൃകയായ് വളര്‍ന്നവന്‍
ഉണ്ണീശോ എന്നും നമ്മുടെ കൊച്ചു സ്നേഹിതന്‍ (2)

കുഞ്ഞുമക്കള്‍ ഈശോയെപ്പോലെയാകണം
പ്രാര്‍ത്ഥനയില്‍ ദൈവസ്നേഹം അനുഭവിക്കണം (2)
അനുഗ്രഹീതകുടുംബമായ്‌ അനുസരിച്ചു വളരണം (2)
അണിയണിയായ് ചേര്‍ന്ന് സ്വര്‍ഗ്ഗരാജ്യമെത്തണം (2) (ഉണ്ണീശോ..)