അന്‍പു നിറഞ്ഞ പൊന്നേശുവെ | Anbu Niranja Ponneshuve

അന്‍പു നിറഞ്ഞ പൊന്നേശുവെ
നിന്‍ പാദ സേവ എന്നാശയെ

ഉന്നതത്തില്‍ നിന്നറങ്ങി മന്നിതില്‍ വന്ന നാഥാ ഞാന്‍
നിന്‍ അടിമ നിന്‍ മഹിമ ഒന്നു മാത്രം എന്നാശയാം

ജീവനറ്റ പാപിയെന്നില്‍ ജീവന്‍ പകര്‍ന്ന യേശുവെ
നിന്നിലേറെ മന്നില്‍ വേറെ സ്നേഹിക്കുന്നില്ല ഞാനാരെയും

അര്‍ദ്ധപ്രാണനായ് കിടന്നോരെന്നെ നീ രക്ഷ ചെയ്തതാല്‍
എന്നിലുള്ള നന്ദിയുള്ളം താങ്ങുവതെങ്ങനെ എന്‍ പ്രിയാ

ഇന്നു പാരില്‍ കണ്ണുനീരില്‍ നിന്‍ വചനം വിതയ്ക്കും ഞാന്‍
അന്ന് നേരില്‍ നിന്നരികില്‍ വന്നു കതിരുകള്‍ കാണും ഞാന്‍

എന്‍ മനസ്സില്‍ വന്നു വാഴും നന്‍ മഹത്വ പ്രത്യാശയെ
നീ വളര്‍ന്നും ഞാന്‍ കുറഞ്ഞും നിന്നില്‍ മറഞ്ഞു ഞാന്‍ മായണം