എല്ലാം നന്മയ്ക്കായ്‌ നല്‍കും നല്ല നാഥനേ | Ellam Nanmakkayi Nalkum

എല്ലാം നന്മയ്ക്കായ്‌ നല്‍കും നല്ല നാഥനേ
നീയെന്നഭയം എന്നും രക്ഷാസങ്കേതം
നീയില്ലെങ്കിലെന്റെ ജീവിതം ശൂന്യം
നീയില്ലെങ്കിലെന്റെ ജീവിതം ധന്യം

എങ്ങനെയിന്ന് ഇനി നാളെയെന്താകും
എന്താണിങ്ങനെ എനിക്കെന്തുകൊണ്ടിത്
നിനവുകളെല്ലാം മുന്നമേയവന്‍
അറിഞ്ഞവനുള്ളില്‍ ധൈര്യമതേകി
വഴി നടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)

മുന്നില്‍ ചെങ്കടല്‍ പിന്നില്‍ ഫറവോന്‍ സൈന്യം
എല്ലാം തകര്‍ന്നു ഇനി ജീവിതം വേണ്ട
വിചാരങ്ങളെല്ലാം മുന്നമേയവന്‍
അറിഞ്ഞവനുള്ളില്‍ ആശകളേകി
വഴി നടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)

രോഗം മാറില്ല ലോകം വിധിയെഴുതി
ശോകം നിറഞ്ഞു മനം ഭീതിയിലായി
ആകുലങ്ങളെല്ലാം മുന്നമേയവന്‍
അറിഞ്ഞവനെന്നില്‍ വിടുതല്‍ നല്‍കി
വഴിനടത്തി എത്ര അതിശയമായ്‌
നന്ദിയുണ്ടെന്നും നാഥാ നിന്‍ കൃപ മതി (എല്ലാം..)