സ്വര്‍ലോകത്തിന്‍ നാഥാ നിന്‍ നാമം
നിര്‍ലീനാത്മാവായ്‌ നിന്നില്‍ ധ്യാനമാര്‍ന്നൂ ഞാന്‍
ഉള്ളിന്നുള്ളില്‍ നിന്നെ തേടുന്നു
കനല്‍ പോലെയാം മണ്ണില്‍ കനല്‍ കൊള്ളി വീഴുമ്പോള്‍
കുളിര്‍ മേഘമായ്‌ കരുണാമൃതം തൂകുകെന്‍ നാഥാ (ഹല്ലേലൂയാ..)
അല്ലില്‍ നീയേ ലോചനം, അല്ലല്‍ നീക്കും സ്വാന്ത്വനം
നീയേ ദീപം ദീപ്തിയും, നീയേ കണ്ണും കാഴ്ചയും
ശിശിരത്തിലെ ഇളവെയിലു പോല്‍ തഴുകാവു നീയെന്നെ
ഞങ്ങള്‍ പാടും ഗീതികള്‍ വിണ്ണില്‍ പാറും പ്രാവുപോല്‍ നിന്നെതേടുന്നൂ (ഹല്ലേലൂയാ..)
ഷാരോന്‍ താഴ്‌വാരത്തിലെ റോജാ പൂക്കള്‍ പോലവേ
ഈയാത്മാവിന്‍ നോവുകള്‍ ദേവാ നേദിക്കുന്നിതാ
പനിനീരിനാല്‍ കഴുകുന്നിതാ പദതാരുകള്‍ നാഥാ
തേടും ഞങ്ങള്‍ നിന്‍ വഴി കാതില്‍ കേള്‍പ്പൂ നിന്‍ മൊഴി, കാണ്മൂ നിന്‍ രൂപം (ഹല്ലേലൂയാ..)
![Malayalam Film Songs & Karaoke [A]](https://blogger.googleusercontent.com/img/b/R29vZ2xl/AVvXsEjR605uiYz3Tic1DGM6dbgLKJfJE8fhQJRzNNWlyRA00C6NqOz1x4iaxN1PQ2VE2jjAaqpeSA5eUCLbRuEM6-1zBYSpMaVsOfVS2_t5WY-W8Lshfu4g_4Y_DDxlz5XKWF0BGSsKB1Y85oZ0/w680/Malayalam+Film+Songs+Karaoke.jpg)
